Жетісу ауданы әкімінің орынбасары пара алды деген күдікпен ұсталды

Алматыда Жетісу ауданы әкімінің орынбасары ірі көлемде пара алды деген күдікпен ұсталды. Бұл туралы Сыбайлас жемқорлыққа қарсы қызмет хабарлады. Ресми ақпараттарға сай, шенеунік өңірдегі кәсіпкерлерден 14 миллион теңге пара алу бойынша күдікке ілінген. Ақшаны мемлекеттік сатып алу шартын жасауға, орындалған жұмыстың құжаттарына қол қоюға және кәсіпкерлерге жәрдемдесу үшін алуы мүмкін. Қазір күдікті қамауға алынып, тергеу жүріп жатыр. Ведомства өкілдері өзге ақпарат Қылмыстық-процестік кодекстің 201-бабына сәйкес жария етілмейтінін ескертті.

Қуан Нұрақын