Қызылордада 25 үйді тонаған ұры ұсталды

Қызылордада әккі ұры қолға түсті. Полиция жасағы оны қаладағы пәтерлердің бірін тонау барысында ұстап алған. Күдікті 26 жастағы Түркістан облысының тұрғыны болып шықты. Тергеп-тексеру барысында оның облыс аумағында 25 үйді үптеп кеткені анықталған. Дәлелді зат ретінде алтын әшекей бұйымдар мен бағалы заттар айғақ ретінде тәркіленген. Әзірге анықталған дерек бойынша ұры тұрғындарға 19 миллион теңге көлемінде материалдық шығын келтірген. Сотқа дейінгі тергеу амалдары жүріп жатыр.

Әділбек Серікұлы