Алтай қаласын қоқыс басып барады

Шығыстағы Алтай қаласын қоқыс басып барады. Тұрғындардың айтуынша тұрмыстық қалдықтар қыс бойы шығарылмағанын. Қазір әрбір контейнердің қасында тау болып үйіліп жатыр. Енді күн жылынғанда қар суымен бірге жан-жаққа жайылуы мүмкін. Ал осы салаға жауапты мамандар қатты аяз бен қардың қалыңдығынан коммуналдық қызметтің жұмысы тұралап қалғанын айтады. Оған қоса техниканың көбі ескі.

Дәулетбек Қайырбеков, Алтай қаласының тұрғыны:

 Білмеймін енді қоқыс не себепті шығарылмай жатқанын? Қардың қалыңдығы ма? Фирмалардың жетіспеушлігі ма, түсінбедік. Ешкім келмеді. Шығармады. Қыстай осында жатыр. Қардың асты толған қоқыс.

Игорь Оконешников, Алтай қаласының әкімі:

Қоқыстың уақытылы шығарылмай жатқанын білеміз. Бізде -40 градусқа дейін аяз болды. Арнайы техника -30 градустан соң, жүрмей қалады.Қарда тоқтаусыз жауды. Бірақ оған қарамастан соңғы бір аптада жұмыс қайта жанданды.

Олжас Керейхан