Қ.Бишімбаевтың ісін алқабилер қарайтыны хабарланды

Бишімбаевтың адвокаттары бірнеше талап түсірген. Істі прокурорға қайтарудан бастап «Абайсызда кісі өлтіру» бабына ауыстыруға дейін. Судья Айжан Құлбаева бұл өтініштерді қанағаттандырмады. Сонымен бірге Бишімбаевтың адвокаттары Бишімбаевтың Салтанат Нүкенованы ұрып-соққаны түсірілген видеоны алып тастау, тергеу экспериментін жүргізу, Нүкенованың әкесіне және басқа да бірқатар адамға психиатриялық сараптама тағайындау туралы өтініштерін де қанағаттандырмады.

Мәулен Әшімбаев, ҚР Парламенті Сенатының Төрағасы:

Менің ойымша сот та, Жоғарғы соттың басшылары да қоғам алдындағы, адамдар алдындағы жауапкершіліктерін түсінеді. Кім болса да қандай да бір манипуляцияға еріп кетеді деп есептемеймін. Процестің объективті, әділетті және заңды болғанына бәрі мүдделі. Бәрі өзінің жауапкершілігін түсінеді. Трагедиялық оқиғаның, тиісінше, сот процесінің соңында, сонымен бірге заң да қабылданды - жағдай өзгере бастайды. Қоғам әйелдерді тұрмыстық зорлықтан қорғауды талап етіп отыр. Бұдан әрі жағдай жақсара бастайды деп ойлаймын.