Басты Жаңалықтар Елімізде жұмыс орындарын көбейту көзделіп отыр

Елімізде жұмыс орындарын көбейту көзделіп отыр

28.03.2024 13:34

Елімізде сапалы жұмыс орындарының санын 1 миллионға арттыру көзделіп отыр. «Бұл іс Алматы мегаполисінен бастау алғаны дұрыс», - деді қалаға жұмыс сапарымен барған еліміздің еңбек және халықты әлеуметтік қорғау министрі Светлана Жақыпова.

Былтыр Алматыда 97 мыңнан астам адам жұмысқа орналасып, 4 мыңы кәсіптік оқу курсынан өткен. Өз ісін дөңгелетімін деген әлеуметтік осал топтағы азаматтарға 375 грант және жас кәсіпкерлерге 135 микрокредит берілді. Кездесуде несие алып, берешегін уақытылы төлемегендердің есеп-шоттары бұғатталып қалатыны әлеуметтік мәселені шиленістіре беретіні айтылды.

Светлана Жақыпова, ҚР Еңбек және халықты әлеуметтік қорғау министрі:

Мәжілісте қазір Қаржы агенттіктерімен бірге заң жобасы қарастырылып отыр. Қаржы агенттігі бір норманы енгізіп отыр. Қолданыстағы заңдар бойынша мысал келтірсек, зейнетақыға 50 пайызға дейін шектеу қойылмайды, жәрдемақыны алсақ, мүгедектігі болса 25 пайызға дейін, егер асыраушысынан айырылса онда төлемге шектеу болмауы керек. АӘК, балаларға төленетіндерге оларға шектеу жоқ.

Әйгерім Ердәулет

Бөлісу