Басты Жаңалықтар Тұрақтандыру қорларындағы азық-түлікке залал келген жоқ – министрлік

Тұрақтандыру қорларындағы азық-түлікке залал келген жоқ – министрлік

02.04.2024 10:03

Су тасқыны кезінде тұрақтандыру қорларындағы азық-түлікке залал келген жоқ. Бұл туралы Премьер-министрдің орынбасары Серік Жұманғариннің төрағалығымен өткен жедел кеңесте айтылды.

Ауыл шаруашылығы министрлігінің дерегі бойынша, еріген судан зардап шеккен Ақтөбе, Павлодар, Ақмола, Қарағанды, Қостанай және Абай облыстарындағы тұрақтандыру қорларында 63 мың тоннадан асатын азық бар. Барлық өнім құрғақ жерде, сақтаулы.

Жиында басқа өңірлердің тұрақтандыру қорларындағы 110 мың тонна азық-түлік қоры қажет болған жағдайда, төтенше жағдай болған аймақтарға жедел жөнелтілуі мүмкін екені айтылды. Серік Жұманғарин зардап шеккен өңірлердің әкімдеріне дүкендер мен сауда орындарының жұмысын барынша тез қалпына келтіруге және азық-түлік қорларын қажетті көлемде шектеуден шығаруға назар аудару қажеттігін баса айтты. Сондай-ақ, жануарларды азықпен қамтамасыз ету мәселесін жылдам және бюрократиясыз пысықтауды тапсырды.

Бөлісу