Балқаш ауданындағы өрттен елдімекендерге қауіп жоқ

Балқаш ауданында кешелі бері жанып жатқан қамыс пен шөп өртін сөндіру жұмыстары әлі жалғасып жатыр. Кеше түсте басталған қызыл жалын 8-10 гектарға тараған. Оны сөндіруге өрт сөндірушілер мен орманшылар, 10-нан астам техника жұмылдырылды. «Қазавиақұтқару» тікұшағымен өрт ошақтарына әуеден 65 рет, 195 тонна су төгілді. Мамандар өрт ошағына жақын маңда орналасқан елді мекендерге қауіп жоқ екенін айтып отыр.