Ақмола облысында тау-шаңғы базасының директоры сотталды

Ақмола облысында жасөспірім өліміне кінәлі деп танылған тау-шаңғы базасының директоры төрт жылға сотталды. Ол демалыс орнына келген туристердің қауіпсіздігін толық қамтамасыз етпеді деп айыпталды. Естеріңізге сала кетейік былтыр, «Елікті» парк курортында шаңғы теуіп жүрген 16 жастағы жасөспірім ағашқа соғылып, көз жұмды. Кейін дәл осы демалыс орнында тағы екі адам жарақат алды. Сотта шаңғы тебетін орында қорғаныс торларының, арнайы белгілер мен ағаштардың алдындағы қоршаулардың жоқтығы анықталды. Демалыс орнында медицина қызметкерлері де болмаған.

Ұмсындық Наурызбаева