Қарағанды облысында жылу желілері тозған

Қарағанды облысында былтыр барлық жылу электр орталығын жөндеуге 30 млрд теңге және жылу желісіне 19 млрд-қа жуық қаражат бөлінген. Алайда, одан нәтиже аз. Саланың тозу деңгейі 70% шамасында қалып отыр. Аймақтағы 7 жылу электр орталығында 49 қазандық пен 31 турбина бар. Теміртаудағы екі жылу орталығының жағдайы қиын.

Адай Қуанышев, Қарағанды облысы Энергетика және ткш басқармасының энергетика және газдандыру бөлімінің басшысы:

2023 жылы жылу желілерінің тозуы 67,7% құрады. 2023 жылы желілердің тозу деңгейін төмендету үшін бюджеттің барлық көздерінен 32 және 3 млрд теңге сомасында қаражат бөлінді. Яғни жылумен жабдықтау саласындағы 16 жобаны іске асыру көзделуде.

Бұл - құбырлардың тозуын небәрі 1,3%-ға төмендетуге мүмкіндік берді. Ал биыл жылу коммуникацияларын жөндеуге 30 млрд теңгеден астам қаражат жұмсалады. Бұл олардың жағдайын тағы 1 немесе 2 пайызға жақсартуы тиіс.

Жандос Бақытұлы