Былтыр бюджеттің 489 млрд теңгесі тиімсіз игерілген

Былтыр бюджеттің 489 млрд теңгесі тиімсіз игерілген. Бұл туралы Жоғары аудиторлық палата төрағасы Әлихан Смайылов Мәжілістің жалпы отырысында мәлімдеді. 123 лауазымды тұлға тәртіптік жауапқа тартылды. Жалпы Үкіметтің борышы 24,9 трлн теңгеге жеткен. 2024-2025 жылдары өткен онжылдықта тартылған қарыздарды қайтару бойынша бюджетке ең жоғары жүктеме түсіп отыр. 2023 жылы қарыздарды өтеуге және қызмет көрсетуге Ұлттық қордың трансферттерін есепке алмағанда, бюджет кірістерінің 28 пайызы жіберілген.

Ерлан Қошанов, ҚР Парламенті Мәжілісінің төрағасы:

Бүгін біз бюджеттің атқарылуы туралы Үкіметтің есебін қарадық. Көп сын-ескертпе айтылды. Қазір жаңа бюджет кодексінің жобасымен жұмыс істеп жатырмыз. Үкімет депутаттардың ұсыныстарына байыппен қарауы қажет. Осы кодекстермен бірлесіп жұмыс істегенде, Мемлекет басшысының тапсырмаларын орындауда, бюджет процесінде де бізге ортақ жауапкершілік жүктелгенін ұмытпауымыз керек. 

Азамат Бейбітұлы