Атырау облысына көмекке барған құтқарушылар жұмыс аяқталғанша өңірде болады

Су тасқыны кезінде Атырау облысына көмекке барған Шымкент қаласы мен Маңғыстау, Түркістан, Ақтөбе және Қызылорда облыстарының құтқарушылары жұмыс толық аяқталғанға дейін өңірде болады. Бұл туралы Төтенше жағдайлар министрлінің өкілдері жариялады. Себебі Құлсары қаласында жеке тұрғын үйлерден су сору жұмыстары, қоқыстан тазарту әлі жүріп жатыр. Жайық өзенінің су деңгейіне мониторинг жүргізілуде. Өткен тәулікте, су деңгейінің төмендеуі байқалған. Ақтөбе, Солтүстік пен Батыс Қазақстан облыстарында да, су сору, үйлерді дезинфекциялау жұмыстары жалғасып жатыр. Республикада тасқын кезінде бас сауғалаған 4,5 мың адам эвакуациялық пункттерде қалып отыр.

Асылбек Данияр