Аягөздегі сарбаз өліміне қатысты қылмыстық іс қозғалды

Аягөздегі әскери бөлімшеде сарбаз жарақат алып, көз жұмды. Қорғаныс министрлігі өкілдері, әскери қызметшінің өліміне оқу-жаттығу барысында қауіпсіздік ережелерінің сақталмауы себеп деп отыр. Қазір аталған факті бойынша қызметтік тексеріс тағайындалып, қылмыстық іс қозғалған.

Шайх-Хасан Жазықбаев, ҚР Қорғаныс министрінің орынбасары:

Кінәлі және лауазымды тұлғалар қылмыстық кодекс және тәртіптік жарғы аясында тиісті жауапкершілікке тартылады. Қарулы күштер әскери қызметшінің туған-туыстары мен жақындарына орны толмас қайғысына ортақтасып, көңіл айтады. Оларға барлық көмек көрсетілетін болады.

Асылбек Данияр