СҚО-да тасқыннан зардап шеккен 500 отбасы пәтерлі болды

Солтүстік Қазақстан облысында тасқыннан зардап шеккен 500 отбасы пәтерлі болды. «Қызылжар-Асар» қоғамдық қоры арқылы бұл мақсатқа 8 млрд теңгеден астам қаражат жұмсалды. Баспанаға ие болғандардың бірі Әбілиндер отбасы. Оларға Береке ықшам ауданынан 3 бөлмелі пәтер берілді.

Құралай Әбілина, Петропавл қаласының тұрғыны:

Жолдасым екеуміз бірінші күндері керемет уайымдап жүрдік, қалай болады, не болады. Өте қуаныштымыз. Бізге осындай мемлекет көп көмектескеніне, далада қалмай, ризамыз.

Жалпы Солтүстік Қазақстан облысында 4 мыңға жуық үйді су басқан болатын. Оның жартысына жуығы жөндеуге жарамсыз деп танылды. Бүгінгі күнге дейін облыс орталығында 220 үй сүрілді. 2 мыңға жуық баспана қалыпқа келтіріледі. Оның 700-інде жөндеу жұмыстары жүріп жатыр. Петропавлда тасқыннан зардап шеккен азаматтарға арналған 600 үй салынып жатыр.Әлі де бірнеше пәтер сатып алынады.

Эльмира Кәленова