Зауыттағы апаттан зардап шеккен жұмысшылардың жағдайы ауыр

Қарағандыдағы ферроқорытпа зауытында болған апаттан, зардап шеккен жұмысшылардың жағдайы ауыр. Денсаулық сақтау министрі қаза болған азаматтың отбасына көңіл айтты. Оның сөзінше, жұмысшының денесін қатты күйік шалған. Аман алып қалу мүмкін болмады. Осы жағдай бойынша анализ жасалып, қорытындысы жарияланады, деді ол.

Ақмарал Әлназарова, ҚР Денсаулық сақтау министрі:

Бұл мәселе Денсаулық сақтау министрлігінің бақылауында болғандықтан жағдайдың бәрін біліп отырмыз. Қайтыс болған науқастың денесінің 80 пайыздан астамын күйік шалған. Полиорганды тапшылық дейміз, жүрекке, бүйрекке соғатын асқынудан көз жұмғанын дәлелдеп отырмыз. Негізі дененің 60 пайыздан астамын күйік шалса, адам өміріне қауіп төнеді.

Шерхан Жамбылұлы