V Дүниежүзілік көшпенділер ойындары: Павлодарда бәйге аттары іріктелмек

Биыл қыркүйекте Астанада өтетін V Дүниежүзілік көшпенділер ойындары аясында 3-ші тамыз күні Павлодарда бәйге жарысына қатысушыларды іріктейді. Жүлде қоры 24 млн теңгеден асатын жарыс құнан бәйге, топ бәйге, аламан бәйге мен жорға жарыс сияқты 4 түрінен өтеді. Оған шетелден көптеген шабандоздар ат қосқалы отыр. Іріктеу 11-ші тамызға дейін жалғасады. Солардың нәтижесі бойынша V Дүниежүзілік көшпенділер ойындарының бәйге жарысына Қазақстаннан қатысатын жылқылар анықталады.

Жомарт Сайболатов, «Бәйге Федерациясы» РҚБ вице-президенті:

Қазір бәйгеден Қазақстан командасын жасақтау процесі жүріп жатыр. Астанадағы Көшпенділер ойындарының бәйге жарысына шамамен 10 елдің өкілдері қатысады деп күтіліп отыр. Олардың қатарында Моңғолия, Қырғызстан, Өзбекстан, Тәжікстан, Әзербайжан, Ресей Федерациясы мен басқалар бар.

Азамат Бейбітұлы