Алматы облысында 643 референдум учаскесі жұмыс істейді

Алматы облысында миллионға жуық адам дауыс бере алады. Өңірде 643 референдум учаскесі жұмыс істейді. Дауыс берушілердің алғашқы легі сағат жетіден келіп, өз таңдауын жасап жатыр. Қазір бізбен облыс орталығынан әріптесім Қуан Нұрақын тікелей байланысқа шығып тұр.

Қуан Нұрақын, тілші:

Облыс орталығы Қонаев қаласында 30 референдум учаскесі бар. Сағат жетіден есігін ашқан орынның бірі мына біз тұрған №949 учаске. Бұл жерге 2 мыңнан аса дауыс беруші тіркелген. Тұрғындардың алғашқы легі өз таңдауын жасап та үлгерді. Облыстық ардагерлер кеңесінің мүшесі Тұрыспек Доспанбетов ақсақал бірінші келіп, өз дауысын берді.

Тұрыспек Доспанбетов, Облыстық ардагерлер кеңесінің мүшесі:

Халық деген негізгі биліктің негізін қалаушы. Сондықтан мұның шешімін халық береді. Халық жеткізеді. Өте дұрыс іс-шара үлкен. Оны Президент апараты шешпейді, Үкімет басында отырғандар шешпейді. Мінеки, билік пенен бір саласы негізін қалаған осы халық. Сондықтан бұл өте дұрыс деп ойлаймын. 1:16

Қуан Нұрақын, тілші:

№949 референдум учаскесінің төрағасы Елдана Смаилова бірінші болып келгендерге арнайы сый-сияпат табыс етті. Сондай-ақ осы №949 учаскеге келіп, алғаш рет дауыс берген жастар да болды. Қонаев қаласында 45 мыңға жуық дауыс беруші тіркелген. Осында жүрген басқа өңірдің азаматтары үшін уақытша тіркейтін арнайы 2 учаске бар.

Қуан Нұрақын