Президентке БРИКС ұйымына кіру туралы ұсыныстар түсті - Берік Уали

Қазақстан таяу болашақта БРИКС ұйымына кіруді жоспарлап отырған жоқ. Мемлекет басшысы Қасым-Жомарт Тоқаевтың атына халықарылық ұйымға кіру туралы ұсыныстар түскен.

Президенттің кеңесшісі әрі баспасөз хатшысы Берік Уәли Тенгриньюс сайтына берген сұхбатында осылай деді. Дегенмен, Президент осы айдың 24-і күні Қазан қаласында өтетін БРИКС саммитіне қатысып, сөз сөйлейді деп жоспарланған. 

Берік Уәли Қазақстан Республикасы Президентінің кеңесшісі – Баспасөз хатшысы:

Президентке Қазақстанның БРИКС құрылымына кіру мүмкіндігін қарастыру туралы ұсыныстар түсті. Халықаралық қауымдастықтың жауапты және беделді мүшесі ретінде біздің елімізге мұндай ұсыныстың түсуі қалыпты дүние. Бұл ұсынысты Мемлекет басшысының өзі мұқият қарастырып отыр және оның тапсырмасы бойынша тиісті ведомстволар Қазақстанның ұлттық мүдделері тұрғысынан талдау жүргізіп жатыр. Еліміз құрылымға мүше болуға және осы бірлестіктің даму перспективаларына қатысты басқа да мәселелерді қараудың көп сатылы процесін ескере отырып, қазір және жақын болашақта БРИКС-ке мүше болуға өтініш беруден қалыс қалады. 

Шерхан Жамбылұлы