Балеттен халықаралық байқаулардың жүлдегері – Әлішер Қасымхан

Арамызда өзінің жан қалауымен айналысып, үлкен белестерді бағындырып жүрген жастар аз емес. Солардың бірі – балеттен халықаралық байқаулардың жүлдегері Әлішер Қасымхан.

Әлішер – Алматыдағы хореграфия училищесінің 3-курс студенті. Балетке бала кезінен қызыққан ол 2017 жылдан бері бекзат өнермен кәсіби түрде айналысады. Өнер ордасына ең алғаш рет әжесі ертіп келіпті. Содан бері жеті жыл ішінде бірнеше халықаралық байқауға қатысқан. Соңғы рет Мәскеу қаласында жастар арасында өткен балет сайысына қатысып, үшінші орын иеленіпті. Бұл додада әлемнің 10-нан аса елінен жүздеген әртіс бақ сынаған.

Әлішер Қасымхан, студент, халықаралық байқаулардың жүлдегері:

Балет бұл – өте күрделі өнер. Дайындықты бір күн жіберіп алуға болмайды. 3 минуттық өнер үшін күнінен 8-9 сағат дайындалуға тура келеді. Десе де, бар қиындықты сахнаға шыққанда ұмытып кетесің. Бұдан да жоғары халықаралық байқауларда өнер көрсетіп, ел намысын қорғасам деймін.

Қуан Нұрақын