2 мыңдай мексикалық АҚШ шекарасынан өтіп кетуге тырысуда

Мексиканың оңтүстігінен АҚШ-қа мигранттардың жаңа легі аттанды. «Ассоушиэйтед пресс» агенттігінің хабарлауынша, олардың саны 2 мыңға жуық.

Мексикалықтар өз елдеріндегі жұмыссыздық пен экономикалық жағдайдың қиындығынан Құрама Штаттарға жол тартқан. Олар АҚШ-қа президенттік сайлауға дейін жетуге үмітті. Айтуларынша, одан кейін жаңа билік орнаса, мигранттарға Америка аумағына ену қиындауы мүмкін.

Кейбір мәліметтерге қарағанда, қазір Мексиканың оңтүстігінде 40 мыңдай адам АҚШ шекарасына өтуге әрекеттеніп жатыр.

Арыстан Рысбек