Израиль әуе күштерінің соққысынан газада 16 адам мерт болды

Бүгін Израиль әуе күштері Газа секторындағы Нусейрат босқындар лагеріндегі мектепке соққы берді. Одан 16 адам қаза тауып, 32-сі жараланған. Куәгерлердің айтуынша, зардап шеккендердің барлығы - әйелдер мен балалар. Газа секторындағы қақтығыс былтыр күзде басталды. Өткен жылы қазанның 7-де Израиль оккупациясына наразы хамастықтар еврей мемлекетінің оңтүстігінде 1200 адамды өлтіріп, 250 тұрғынды кепілге алды. Содан кейін Израиль армиясы кек алу мақсатында бүгінге дейін 43 мыңға жуық палестиналықты мерт қылған.

Арыстан Рысбек