Түркістан облысында жасөспірімдер арасында «Ауыл барысы» турнирі өтті

Түркістан облысының Мақтаарал ауданында қазақ күресінен республикалық «Ауыл барысы» турнирі өтті. Жасөспірімдер арасында ұйымдастырылған спорттық шара екі күнге жалғасты. Жарысқа Жамбыл, Қызылорда, Түркістан облысы мен Шымкент қаласынан 300-ге жуық балуан қатысты. 120 балуан іріктеліп, сегіз салмақ дәрежесі бойынша күш сынасты. Өзара шеберлікті шыңдап, қаржылай сыйлықтар мен арнайы белбеулерге ие болды.

Түркістан облысында соңғы кездері қазақ күресі жастар арасында кеңінен насихатталып, бүгінде мыңдаған ауыл жастары спортпен кәсіби тұрғыда айналысуда. Кілемде белдескен үздік спортшылар республикалық жарыстарға қатыспақ.

Жигули Дайрабаев, «Ауыл» партитясы төрағасының орынбасары:

Біз болашақта да бұл спорт түрін дамытамыз. Оған атсалысамыз. Негізгі мақсат – қазақи салт-дәстүрді сақтау. Барлық елдімекендерді аралап, спорт ойындары, мәдени сала, қазақи салт-дәстүр, т.б. дәріптеу төңірегінде «Ауыл» партиясы қызмет жасаймыз.

Айнұр Әбліқасымқызы