Қостанайда тұтынушылардың жылуға қарызы 2 млрд теңгеге жуықтаған

Қостанайда тұтынушылардың жылуға қарызы 1 млрд 800 млн теңгеге жетті. Былтырмен салыстырғанда берешек 16,4 пайызға өскен. Жылудың ақысын уақытында төлемей отырғандардың 54 пайызы жеке тұтынушылар, 40 пайызы заңды тұлғалар мен кәсіпкерлер. Қалған 6 пайызы білім мен денсаулық саласындағы бюджеттік мекемелер. Қарыздың көбеюіне тұтынушылардың жауапсыздығы, келісім-шарттың уақытында жасалмауы мен кейбір мекемелерге коммуналдық төлемге қажетті қаржы уақытында бөлінбейтіні себеп. Дегенмен, бір жыл ішінде жылуды тұтынушы саны 35 пайызға артқан.

Қанат Аужанов, ҚЖЭК МКМ директоры:

Біз биыл берешегі бар тұтынушыларға 5900 хабарлама жібердік. Жалпы құны 1 млрд 400 млн теңге. Сонымен қатар 300 млн теңге қарызды қайтаруға байланысты 28 материал сотқа жіберілді. Соның 19-ы бойынша сот жылу компаниясының пайдасына шешім қабылдады.

Дәуренбек Әбдібек