Елордада Сыбайлас жемқорлыққа қарсы іс-қимыл мәселелері жөніндегі комиссия отырысы өтті

Астанада Мемлекеттік кеңесші Ерлан Қариннің төрағалығымен Сыбайлас жемқорлыққа қарсы іс-қимыл мәселелері жөніндегі комиссияның отырысы өтті.

Жиында Экономикалық ынтымақтастық және даму ұйымының Ыстанбұл жоспарының бесінші раундын жүзеге асыру мәселелері талқыланды. Антикор қызметі ұлттық заңнамаға халықаралық стандарттарды енгізу арқылы саланы жетілдірмек. Ерлан Қарин өз сөзінде Мемлекет басшысының ұйыммен ықпалдастыққа баса назар аударатынын атап өтті. Бірлестік бүгінде экономикалық салаларды ғана емес, сыбайлас жемқорлыққа қарсы іс-қимыл мәселелерін де қамтиды.

Жиын соңында Мемлекеттік кеңесші шетелдік сарапшылардың ұсыныстарын жүзеге асыру әрі халықаралық ұйыммен байланысты одан әрі нығайту бойынша бірқатар тапсырма берді.

Айя Мүтәлі