Бірқатар өңірде мектеп оқушылары мен колледж студенттері қашықтан оқыту форматына көшті

Боран, қар, қатты жел мен көктайғақ. Ауа райының қолайсыздығына байланысты елдің бірқатар өңірінде мектеп оқушылары мен колледж студенттері қашықтан оқыту форматына көшті.

Ал Қарағандыда екі ауысым да бірдей онлайн оқуға ауыстырылды. Сондай-ақ, қолайсыз күн райынан Астана Халықаралық әуежайында бірқатар рейс кешіктірілді. 21 қаңтарға жоспарланған Астана-Ташкент бағытындағы рейс бүгін таңертең ғана ұшқан. Ал Қазгидромет синоптиктері алдағы күндері де аяздың сақталатынын болжап отыр.

Темірлан Нұрсолтан