Жұмысшы мамандықтарға грант көбейді

Биыл кәсіптік-техникалық білім саласына мемлекеттік тапсырыс көлемі артпақ. Бюджеттен қосымша 22 млрд теңге бөлінеді. Осылайша қажетті мамандарды даярлау ісі қарқынды түрде жүргізілмек. Былтыр жұмысшы мамандықтарға 143 мың грант бөлінді. Бұл 2023 жылмен салыстырғанда 10 мың орынға көп. Шәкіртақы да 50%-ға өсті. Мәселен 2022 жылы шәкіртақы 21 мың теңге болса, 2023-те 32 мың теңгеге көтерілді. Ал бүгінде 43 мың теңге.

Сауалнама:

Қазіргі таңда жұмысшы мамандықтарға деген сұраныс өте көп болғандықтан, олардың стипендиясы да артып жатыр.

Өзім осы жұмысшы мамандығы бойынша грантқа түстім. Негізінде кәсіптік мамандық бойынша грант көп қой.

Жалпы қазір жұмысшы мамандықтарға көп қолдау көрсетіліп жатыр. Дұрыс деп ойлаймын, олардың жұмысы өте ауыр ғой.

Ақниет Балтанова