Коронавирустың тарауы туралы ақпарат жалған болып шықты

Мессенджерлерде коронавирустың COVID-Omicron XBB атты жаңа нұсқасының таралуы туралы ақпарат ескі әрі жалған. Бұл туралы Денсаулық сақтау министрлігінің өкілдері хабарлады.

Ресми ақпаратқа сәйкес, елде коронавирус инфекциясы бойынша эпидемиологиялық жағдай тұрақты әрі бақылауда. Жыл басталғалы 51 жағдай анықталған. Өлім-жітім тіркелмеген. Биыл бұл ауру өткен жылдың дәл осы кезеңімен салыстырғанда 7 есеге азайған. Министрлік азаматтарды өз денсаулығына жауапкершілікпен қарап, тек ресми дереккөздердің ақпаратына сенуге шақырады.

Темірлан Нұрсолтан