Анасы да айыпталып отыр: Перизат Қайраттың ісі 100 томнан асқан

Қайырымдылық қорының құрылтайшысы болған Перизат Қайратқа қатысты қылмыстық іс материалдары 100 томнан асқан. Тергеу аяқталуға жақын, наурызда танысуға беріледі. Бұл туралы Қаржылық мониторинг агенттігі төрағасының орынбасары Жеңіс Елемесов мәлімдеді. Оның дерегінше, Перизат Қайрат тасқын кезінде қайырымдылық қор арқылы жиналған 1,7 миллиард теңгені, Палестинаға көмек деп жиналған қаражатты қалтаға басты. Одан бөлек, сауықтыру орталығындағы мүмкіндігі шектеулі балаларға деп жинаған 22 млн теңгені мақсатсыз жұмсаған. Сондай-ақ Перизат Қайраттың анасы Ғайни Алашбаева да тергеледі. Ол алаяқтық және қылмыстық жолмен алынған ақшаны заңдастыруға қатысы бар деген күдікке ілінген.

Темірлан Нұрсолтан