Мемлекет басшысы еуропалық комиссияның вице-президентімен кездесті

Мемлекет басшысы Еуропа Одағының Сыртқы істер және қауіпсіздік саясаты жөніндегі Жоғарғы өкілі – Еуропалық комиссияның вице-президенті Кая Калласпен кездесті. Тараптар өзара ынтымақ перспективаларын, соның ішінде сауда-экономикалық, энергетика, өнеркәсіп, цифрландыру және Транскаспий халықаралық көлік дәлізі аясындағы ірі жобаларды талқылады. Кая Каллас Қазақстанның ЕО-мен серіктестік жөніндегі келісімге қол қойған аймақтағы алғашқы елдердің бірі екенін атап өтіп, виза рәсімдерін жеңілдету үдерісінің басталғанын мәлімдеді.