Астанада мұғалімдер арасында жаңа форматтағы жарыс өтті

Астанаға еліміздің түкпір-түкпірінен 100 қазақ тілі-әдебиеті пәні мұғалімі мен 100 математика пәні мұғалімі келді. Олар жаңа форматтағы жарысқа қатысты. Бағыты екі бөлек пәннің мамандарын тоғыстырған жарыс білім және логикаға бағытталған. Республикалық мега жобаның атауы - «Оқу және математикалық сауаттылық: табысты синергия» деп аталады. Ұстаздар бірнеше командаға бөлініп, бірнеше кезең бойынша бақ сынады. Ұйымдастырушылар бұл жобаны алдағы уақытта дәстүрлі түрде өткізбекші. Ондағы мақсат - оқу және математикалық сауаттылықты дамытудың біртұтас моделін қалыптастыру, пәндер арасындағы синергияны нақты тәжірибе арқылы көрсету.

Қаныбек Жұмашев, ҚР оқу-ағарту министрлігі орта білім беру комитетінің төрағасы:

Бұл педагогтарға өзінің бойындағы ерекше инновациялық идеяларды, ойларды дамытуға да мүмкіндік береді. Тапсырмалардың қисынын келтіру немесе өзің құрастыру педагогтардың жақсы дағдыларын қалыптастырады деп есептейміз.

Азамат Бейбітұлы