Парламентаралық одақ Ассамблеясының мерейтойлық отырысы өтті

Өзбекстанда Парламентаралық Одақ Ассамблеясының мерейтойлық отырысы өтті. Онда парламенттердің әлеуметтік дамуы мен әлеуметтік әділдікті қамтамасыз етудегі рөлі талқыланды. Қазақстан делегациясын Мәжіліс төрағасы бастап барды. Ерлан Қошанов баяндама жасап, форумның ғасырлар бойы халықтар мен мәдениетті тоғыстырған Ұлы Жібек жолының бойында ұйымдастырылуының символдық мәні зор,  деді. Ташкентте өткен іс-шараға әлемнің 140-тан астам елінен делегаттар қатысты.

Ерлан Қошанов, Мәжіліс төрағасы:

Әділеттілік - Президентіміз Қасым-Жомарт Тоқаевтың саяси бағдарының идеялық негізі саналады. Мемлекет басшысының жетекшілігімен елімізде жүйелі саяси және экономикалық реформалар іске асырылуда. Олар әділетті Қазақстанды бәріміз және әрқайсымыз үшін тең мүмкіндіктер құруға бағытталған.

Азамат Бейбітұлы