Алматыда АҚШ Үкіметіне жалға жер берілмек

АҚШ Үкіметіне Алматыдан жер телімі жалға берілмек. Бүгін Сенат отырысында осыған қатысты келісім ратификацияланды. АҚШ жалға алған жерде консулдық салуды жоспарлап отыр. Сенаторлардың айтуынша, Бас консулдықтың аумағында АҚШ-тың есірткімен күрес агенттігі, Қазақстан Сауда министрлігінің өкілдігі де орналасады. Негізгі міндеті АҚШ пен Қазақстан арасындағы сауда-экономикалық ынтымақты дамыту. Айта кету керек, консулдық Орталық Азия елдері үшін басты визалық орталық қызметін де атқармақ. Тараптар арасындағы келісімге сәйкес, құжат ратификацияланғаннан кейін АҚШ тарабы Қазақстанның Хьюстон қаласында Бас консулдық ашуына рұқсат береді.

Амангелді Нұғыманов, Сенат депутаты:

49 жылға 25 млн АҚШ доллары төленеді. Ол келісім ратификацияланған күннен бастап 30 күннің ішінде төленеді. Қаражаттың бәрі Алматы қаласының бюджетіне түседі.

Нұрсұлтан Тілектес