Еуропарламент су ресурстарына қатысты стратегия ұсынбақ

Еуропа аумағының 20 пайызында жыл сайын су тапшылығы сезіледі. Бұл - Еуропаның қоршаған ортаны қорғау агенттігінің мәліметі. Мәселені соңғы жылдары климаттың өзгеруі, қуаңшылық қиындата түскен. Осыған орай Еуропарламент маусымда тұрақты су ресустары стратегиясын ұсынбақ. Құжатта суды үнемдеу жүйелерін дамытуға, дұрыс пайдалануға, бұл салаға ауқымды инвестиция тартуға, инновацияны дамытуға көңіл бөлінеді. Еуропарламенттің стратегиясына сай, судың ластануымен күрес, су тазарту құрылғыларын жетілдіру де маңызды. Бұл бастамаларға косметикалық және фармацевтикалық компаниялардың қаржысын тарту көзделген.

 Арай Төлегенқызы