АҚШ-тың Мэриленд штатында алапат су тасқыны болды

АҚШ-тың Мэриленд штатында күшті жаңбырдан кейін алапат су тасқыны болды. Салдарынан көшелер өзенге айналып, әсіресе Вестернпорт қаласы зардап шекті. Қаладағы мектептердің бірінде су екінші қабатқа дейін көтеріліп, құтқарушылар ғимарат ішінен 200 адамды алып шықты. Су тасқынына өзен деңгейінің күрт көтерілуі себеп болған. Қазір аймақта төтенше қызметтер табиғи апат салдарын жою жұмыстарын жалғастыруда.

Жергілікті билік тұрғындарды қауіпсіздік шараларын сақтауға және қажет болмаған жағдайда үйден шықпауға шақырып отыр.

Арай Төлегенқызы