Сенат аквашаруашылық туралы заңды Мәжіліске қайтарды

Сенат аквашаруашылық туралы заңды кері қайтарды. Маңызды құжаттың жетілдіретін тұстары бар. Мәселен табиғи ресурстарды пайдаланғаны үшін ақы төлеу, су айдындары мен учаскелерінде тек Қазақстан заңдарымен ғана тыйым салу және шаруашылықтарды аквашаруашылық тізіміне енгізу тәртібін нақтылау сынды баптарды қайта қарау керек. Сондықтан заң жобасы Мәжіліске қайтарылды. Айта кету керек, заңға асыл тұқымды балық шаруашылығын дамыту, инвестициялық салымдар кезінде шығынның бір бөлігін өтеу, су беру жөніндегі қызметтерге ақы төлеу, несие берерде сыйақы мөлшерлемелерін субсидиялау сынды бірқатар қолдау шаралары енген.

Мәулен Әшімбаев, Сенат төрағасы:

Салаға жауапты мүдделі мемлекеттік органдардың құзыреттері де нақтыланды. Аквашаруашылық субъектілерін мемлекеттік ынталандыру және инвесторларға қолайлы жағдай жасау шаралары да назардан тыс қалған жоқ. Заңдарды қарау барысында сенаторлар бірқатар ұсыныс берді. Алдағы уақытта қаралған заңдар еліміздегі аквашаруашылықтың орнықты дамуына тың серпін береді деп сенеміз.

Нұрсұлтан Тілектес