Египеттегі әуежайда жарнама тақтасы құлап, қазақстандық әйел қаза тапты

Мысырда басына жарнама тақтасы құлап, Қазақстан азаматы көз жұмды. 

Шарм-эль-Шейх әуежайында болған жазатайым оқиға салдарынан бір Қазақстан азаматы қайтыс болып, тағы екі отандасымыз түрлі дене жарақаттарын алды.

Оқиғаға байланысты Қазақстанның Сыртқы істер министрлігі мәлімдеме жасап, марқұмның туыстарымен байланыс орнатылғанын, оларға консул тарапынан барлық қажетті көмек көрсетіліп жатқанын хабарлады.

Жағдайды Мысырдың Азаматтық авиация министрлігі мен Қазақстанның Мысырдағы елшілігі өз бақылауына алған. Қазіргі уақытта тиісті тергеу амалдары жүргізілуде.

Нұрсұлтан Тілектес