Экс-президент Джо Байденнен қатерлі ісік анықталды

АҚШ-тың экс-президенті Джо Байденге қуықасты безінің қатерлі ісігі диагнозы қойылды. «Рейтер» агенттігінің мәліметі бойынша аурудың агрессивті түрі анықталған. Дерт ағзаға таралып, сүйекке метастаза берген. Дегенмен оны гормоналды терапия көмегімен емдеуге болады. Джо Байден мен оның отбасы қазір емдеу жолдарын дәрігерлермен бірге талқылап жатыр. АҚШ-тың қазіргі президенті Дональд Трамп бұл жаңалыққа көңілі құлазығанын айтып, Байденнің тезірек сауығып кетуіне тілектестік білдірді.  

Арай Төлегенқызы