БҰҰ: Гуманитарлық көмек әлі таратылған жоқ

Газа секторында гуманитарлық көмек әлі тұрғындарға үлестірілген жоқ. БҰҰ осылай деп мәлімдеді. Кеше Израиль 11 ай бойы толық блокадада отырған палестиналық анклавқа азық-түлік кіргізуге рұқсат берген еді. Израиль тарабы бұған қатысты ешқандай түсініктеме берген жоқ. Мұның алдында Израиль әскері «Хамасқа» қарсы әскери операция ауқымын кеңейтетінін мәлімдеді.

Стефан Дюжаррик, БҰҰ ресми өкілі:

Біздің топ бүгін Керем Шалом ауданына барып, азық-түлікті алып кетуге Израильдің рұқсатын бірнеше сағат күтті. Газаға азық-түлік көптеп жеткенімен, біз оларды қоймаларымызға, жеткізу пункттеріне әлі апара алмай отырмыз.

Ұлыбритания, Франция мен Канада Израильден Сектор Газадағы шабуылды тоқтатуды, гуманитарлық көмекті кіргізуді талап етті. Әйтпесе, санкция жариялайтынын ескертіп отыр. Бұған қоса, Ұлыбритания Израильмен арадағы сауда келісімін уақытша тоқтататынын жариялады.

Арай Төлегенқызы