Сот Трамптың тарифтеріне салынған тыйымның күшін жойды

АҚШ-тың Федералды апелляциялық соты президент Дональд Трамптың тарифтеріне салынған тыйымды уақытша алып тастады. Демек Трамп әкімшілігі берген апелляциялық шағым қаралып жатқанда кедендік салық өз күшінде болады. Америкалық бұқаралық ақпарат құралдарының жазуынша, іс жоғарғы сотқа дейін жетуі мүмкін. Бейсенбіде Халықаралық сауда бойынша федералды сот Трамптың жаһандық тарифтерін салу арқылы өкілеттігін асыра пайдаланды деп тапқан еді. Баж салығын енгізуге тыйым салды. Алайда АҚШ әкімшілігі бірден апелляциялық шағым түсірді.

Арай Төлегенқызы