Елімізде алғаш рет нейромодуляция тәсілімен ота жасалды

Отандық дәрігерлер алғаш рет балаларға нейромодуляция тәсілімен ота жасады. Алматы балаларға шұғыл медициналық көмек көрсету орталығының базасында урологтар мен нейрохирургтар бірігіп, екі баланың қуығына тың тәсілмен ем қолданды. Науқастардың бірі бұған дейін іріңді парапроктитпен ауырған. Екінші жағдай – жұлын жарығы бар бала. Екі ота да сәтті өтті. Бұл жолы Беларусь елінен келген маман тәжірибесімен бөлісті. Бұдан былай қазақстандық дәрігерлер бұл тәсілді өз беттерінше қолдана береді. Мамандардың айтуынша, бұл – балалар нейрохирургиясы мен урологиясы саласындағы нағыз серпіліс. 

Оңғар Алпысбайұлы