Әлеуметтік портал арқылы 226 мың адамға қызмет көрсетілді

Жыл басынан бері 226 мың мүмкіндігі шектеулі адамға Әлеуметтік қызметтер порталы арқылы көмек көрсетілді. Оның ішінде шамамен 173 мыңы техникалық оңалту құралдарына, 7 мың 700-і ым тілі қызметтеріне, 24 мыңнан астамы жеке көмекші қызметтеріне, ал 21 мыңы санаторлық-курорттық емделуге тапсырыс берген.

Қазір Порталда 643 арнайы әлеуметтік қызмет ұсынушы, мыңға жуық арнайы техниканы жеткізуші, 31 мыңнан астам жеке көмекші, ымдау тілі қызметтерін көрсететін 757 және 131 санаторлық-курорттық емдеу орны тіркелген. Портал мүмкіндігі шектеулі азаматтарға арба, ортопедиялық протез сынды заттарды өндіруші мен жеткізушіні өз бетінше таңдауға мүмкіндік береді.

Оңғар Алпысбайұлы