Иран мен Израильден 300-ден астам қазақстандық эвакуацияланды

Таяу Шығыс елдерінен 300-ден астам Қазақстан азаматы эвакуацияланды. Оның 233-і Ираннан, қалған 103-і Израильден жеткізілді. Сыртқы істер министрлігінің өкілдері бұл жұмыс мемлекеттік органдар мен шетелдік серіктестердің көмегімен жүргізілгенін айтты. Қазір аталған елдерде 40-тан астам отандасымыз жүр. Елшіліктер тәулік бойы жағдайды бақылап, сол мемлекеттегі азаматтарға консулдық көмек көрсетуді жалғастырып жатқанын жеткізді. Қазір Таяу Шығыста жағдай тұрақты, әуе кеңістігі ашық. Дегенмен жағдай кез келген сәтте өзгеруі мүмкін деген министрлік өкілі Айбек Смадияров азаматтарға қауіпсіз елге саяхаттауды кеңес береді.

Асылбек Данияр