Жәнібек Әлімханұлы келісімшартқа қол қойды

Ешқашан жеңіліп көрмеген қазақстандық кәсіпқой боксшы Жәнібек Әлімханұлы келесі жекпе-жегін өткізу туралы келісімшартқа қол қойды. IBF және WBO тұжырымдары бойынша Әлем чемпионының қарсыласы - WBC титулына ие доминикандық Карлос Адамес. Бұл туралы Жәнібек әлеуметтік желідегі парақшасына жазды. Дегенмен Адамес әлі құжатқа қол қоймаған, яғни келісім бермеген.

Айта кетейік, қос боксшы да бұған дейін Әлем чемпионы атағын біріктіру мақсатында айқас өткізуге ниетті екенін бірнеше мәрте мәлімдеген. Алайда нақты келісімге қол жеткізу әзірге мүмкін болмай тұр. Сонымен қатар Адамеске міндетті қарсылас ретінде тағы бір қазақстандық Мейірім Нұрсұлтанов тағайындалған.

Асылбек Данияр