«Таза Қазақстан»: Жарты жылда 600 экологиялық іс-шара өтті

«Таза Қазақстан» акциясы аясында соңғы алты айда 600-ге жуық экологиялық іс-шара ұйымдастырылды. Тек «Жер сағаты», «Құстар күні» сияқты халықаралық науқандар кезінде ғана 2 миллионға жуық адам 735 мың гектар аумақты тазартуға атсалысты.

Науқан барысында 2 миллионнан астам ағаш отырғызылып, 189 мың тонна қалдық жиналды.

Бұдан бөлек, экологиялық акция аясында бірқатар инновациялық жобалар қолға алынды. Қазіргі таңда 10-ға жуық отандық компания қалдықтарды қайта өңдеу және кәдеге жарату бағытында жұмыс істеп жатыр.

Жанель Өтеулі