Алаяқтық жасады деген күдікті Дубайда ұсталды

Алаяқтық жасады деген күдікті Дубайдан Қазақстанға жеткізілді. Тергеу дерегінше, ол 2022-23 жылдары Алматыда «Wildberries» компаниясына инвестиция салуға көмектесемін деп 6 адамды алдаған. Сыйақы беремін деп сендірген ол жәбірленушілерден қыруар ақша алған. Осы жымысқы әрекетінен кейін күдікті бой тасалап, екі жыл бойы халықаралық іздеуде болған. Биыл сәуірде Біріккен Араб Әмірліктерінде ұсталып, елге экстардицияланды. Айыпталушы қазір тергеу изоляторында. Бас прокуратура өкілдерінің ақпаратынша, оның кінәсі дәлелденсе, мүлкі тәркіленіп, 3 жылдан 7 жылға дейін бас бостандығынан айырылуы мүмкін. 

Асылбек Данияр