Қарағандыда металлургтерге құрмет көрсетілді

«AMANAT» партиясы жетекшілері Қарағанды облысының металлургтерін кәсіби мерекесімен құттықтады. Салтанатты жиында еңбекте кәсіби шеберлігімен танылған және ұзақ жылдан бері қажырлы еңбек етіп келе жатқан металлургтерге құрмет көрсетілді. Металлургия бүгінде бүкіл ел экономикасының тірегі саналады. Сондықтан саяси ұйым әрі қарай да жұмысшылардың мүддесін қорғауды жалғастыра бермек. Жұмысшылардың қауіпсіздігі мен еңбегіне сай жалақы төлеу, зиянды өндірістерде еңбек ететін азаматтардың ерте жаста зейнетке шығу құқығына дейінгі мәселелерді заңнамалық деңгейде көтеруге атсалысамыз», - деді партия жетекшісі.

Бекзат Алтынбеков, «AMANAT» партиясы Қарағанды облыстық филиалының төрағасы:

Жалпы, мұндағы басты мақсат - жұмысшы мамандығының мәртебесін көтеру. Біздің экономикамызда болсын, өнеркәсіпте болсын негізгі шешуші роль жұмысшылардың қолында екенін біз ешуақытта ұмытпауымыз керек.

Ғани Қалмаханов