Абайдың мерейтойына 5 мың шара жоспарланған

Ұлы дала рухының шамшырағы атанған Абайдың 180 жылдық мерейтойы бүгін ел аумағында тойланып жатыр. Хәкімнің ескерткіштеріне гүл шоқтары қойылып, рухына тағзым жасалды.

Ал негізгі той Хәкімнің туған жері Абай облысы, Абай ауданы Қарауылда өтіп жатыр.

Шығыс пен Батыс мәдениетін тоғыстырған тұлғаның мерейтойынан шет мемлекеттер де қалыс қалған жоқ. Грузия, Франция, Словакия, Армения, Өзбекстан елдері әлем таныған Абай Құнанбайұлының торқалы тойына үн қосып, ақын өнерін ұлықтап жатыр. Биыл еліміздің барлық өңірінде қазақтың ұлы ақыны, ғұлама ойшылы Абай Құнанбаевтың 180 жылдығына арналған 5 мыңнан аса түрлі форматтағы іс-шара жоспарланған.

Алдияр Айтбай