Газа қаласында ашаршылық жүріп жатқаны ресми расталды

Газа қаласын ашаршылық жайлап жатқаны алғаш рет расталды. Бұл туралы баяндаманы Біріккен Ұлттар Ұйымының қолдауына сүйенген Біріктірілген азық-түлік қауіпсіздігі фазасын квалификациялау жүйесі хабарлады. Егер Израиль палестиналық анклавқа көмекті көбірек кіргізуге рұқсат етпесе, Газада гуманитарлық дағдарыс келесі айға ұласуы мүмкін. Осы агенттіктің өзге бір мәліметінше, қазір Газада 514 мың адам, яғни сектордағы палестиналықтардың төрттен бірі аштыққа душар болып отыр.

Алайда Израиль сыртқы істер министрлігі мұндай проблеманың барын жоққа шығарып, тағылған кінәні «ХАМАС-тың» үгіт-насихат науқанының бір бөлігі деп сипаттады.

Арыстан Рысбек