Венгрия мен Словакияға мұнай жеткізу бес күнге тоқтауы мүмкін

Ресейдің Венгрия мен Словакияға мұнай жеткізуі кемінде бес күнге тоқтауы мүмкін. Бұны осы елдердің үкіметтері Еуропа одағының атқарушы комиссиясына жолдаған хатында ескертті.

Экспорттың доғарылуына соңғы бір аптада Украина әскерінің «Дружба» құбырына екінші рет соққы беруі себепші. Айта кетсек, қазақ мұнайы дәл осы құбырмен Германияға тасымалданады. Алайда Берлин шабуылдың Қазақстанның шикізат экспортына ешқандай әсер етпегенін хабарлап отыр.

Қазір АҚШ президенті Дональд Трамп төрт жылға жақындаған соғысты тоқтатуға дипломатиялық күш жұмсап жатыр. Соған қарамастан Украина мен Ресей кейінгі апталарда бір-бірінің энергетикалық инфрақұрылымына шабуылдарды үдете түскен.

Арыстан Рысбек