Қостанайда әлеуметтік желі арқылы есірткі сатқандар сотталды

Қостанайда әлеуметтік желі арқылы есірткі сатқан топқа сот үкім шығарды. Олар Telegram канал ашып, 2 мыңнан аса адамға заңсыз тауар ұсынған. Жалпы айналым 100 млн теңгеден асады. Ал түскен табысты дропперлердің банк карталары арқылы қолма-қол ақшаға айналдырып отырған.

Ернар Тайжан, ҚР ҚМА ресми өкілі:

Тінту кезінде жалпы салмағы 30 келіден асатын марихуана мен гашиш тәркіленді. Сот үкімімен кінәлілер 8 жылға бас бостандығынан айырылды. Сонымен қатар қылмыстық жолмен алынған табысқа сатып алынған екі автокөлік мемлекет меншігіне тәркіленді. Үкім заңды күшіне енген жоқ.

Мәдина Нағашыбай