Белградта ондаған мың адам шеруге шықты

Сербия астанасы Белградта ондаған мың адам көшеге шығып, мерзімінен бұрын сайлау өткізуді талап етті. Осындай акциялар өзге қалаларда да өтті. Шерушілер жаңа сайлау нәтижесінде президент Александр Вучич пен оның партиясын биліктен кетіруге үмітті. Олардың айтуынша, Вучич үкіметі коррупцияға жол бергендіктен, былтыр қарашада теміржол станциясында адамдар мерт болған.

Сондай-ақ студенттер мен оппозициялық топтар Вучич пен оның одақтастарын қылмыскерлермен байланысы бар деп, саяси қарсыластарына зорлық-зомбылық көрсетті деп айыптап отыр. Ал Сербия басшылығы өзіне тағылған барлық кінәні жоққа шығаруда.

Арыстан Рысбек